مسائل کا حل مذاکرات میں مضمر ہے : روس

Feb ۰۹, ۲۰۲۶ ۲۰:۵۷ Asia/Tehran

روس کے وزیر خارجہ نے کہا ہے کہ ایران کا مسئلہ سفارتی اور پرامن طریقے سے حل ہو سکتا ہے۔

سحرنیوز/دنیا: ماسکو میں پندرہویں مڈل ایسٹ والدائی عالمی کانفرنس سے خطاب کرتے ہوئے روس کے وزیر خارجہ سرگئی لاوروف نے اس بات پر زور دیا کہ ایرانی مسئلے کا سفارتی اور پرامن حل موجود ہے اور فوجی طریقہ کارکسی بھی ملک کی سلامتی کی ضمانت فراہم نہیں کر سکتا۔

روس کے وزیر خارجہ نے مزید کہا کہ ہم سمجھتے ہیں کہ فلسطین کے معاملے کی طرح، اس تنازعے کے کچھ فریقین طاقت کےذریعے اپنے مخالفین کو ختم کرنے کے درپے ہیں جو کہ غلط نقطہ نظرہے۔

انہوں نے کہا کہ یہ نقطہ نظر صرف مسائل کو جنم دے سکتا ہےاور کسی بھی ملک کی سلامتی کی ضمانت فراہم نہیں کر سکتا۔

ہمیں فالو کریں:

سرگئی لاوروف نے کہا کہ ہم اپنے ایرانی اور چینی دوستوں کے ساتھ مسلسل رابطے میں ہیں اورموجودہ صورتحال اورایران کے مستقبل کے بارے میں فکر مند ہیں روس کے وزیر خارجہ نےکہا کہ ماسکو ایران اور خلیج فارس تعاون کونسل کے درمیان تعلقات کو مکمل طور پر معمول پر لانے میں دلچسپی رکھتا ہے-