ہندوستان؛ آسام کے وزیر اعلی کے خلاف کارروائی کا مطالبہ

Feb ۰۹, ۲۰۲۶ ۱۹:۴۸ Asia/Tehran

آل انڈیا مجلس اتحاد المسلمین کے صدر اور حیدرآباد سے رکن پارلیمان اسدالدین اویسی نے آسام کے وزیر اعلیٰ کے خلاف کارروائی کا مطالبہ کرتے ہوئے انکے خلاف باضابطہ شکایت درج کرادی ہے۔

سحرنیوز/ہندوستان: پولیس کمشنر کے نام اپنے مکتوب میں اویسی نے الزام عائد کیا کہ آسام کے وزیر اعلی ہیمنت بسوا سرما گزشتہ کئی برسوں سے سوشل میڈیا، پرنٹ میڈیا، عوامی خطابات اور دیگر پلیٹ فارمز کے ذریعے مسلم برادری کے خلاف بیانات دیتے آ رہے ہیں۔ انہوں نے کہا کہ ایسے متعدد بیانات اب بھی عوامی دائرے میں موجود ہیں اور حالیہ مہینوں میں ان کی شدت میں اضافہ ہوا ہے۔

ہمیں فالو کریں:

یاد رہے یہ شکایت متنازع اور بعد ازاں حذف کی گئی ویڈیو کے سلسلے میں کی گئی ہے، جس میں وزیر اعلیٰ کو مسلمانوں پر گولی چلاتے ہوئے دکھایا گیا ہے۔ آل انڈیا مجلس اتحاد المسلمین کے صدر اویسی کے مطابق وزیر اعلیٰ کے بیانات کا مقصد مسلمانوں کے مذہبی جذبات کو ٹھیس پہنچانا اور ہندوؤں اور مسلمانوں کے درمیان نفرت کو فروغ دینا ہے، جو قومی یکجہتی اور فرقہ وارانہ ہم آہنگی کے لیے نقصان دہ ہے۔