ایرانی فلمیں جے پور بین الاقوامی فلم فیسٹیول کے لیے منتخب
Nov ۲۶, ۲۰۲۰ ۱۹:۳۳ Asia/Tehran
دو ایرانی فلموں کو ہندوستان میں ہونے والے بین الاقوامی جے پور فلمی میلے کے لیے منتخب کرلیا گیا ہے۔
ہمارے نمائندے کے مطابق ہدایت کار محمد صادق دقیقی کی فلم مردہ خور، اور حمید رضا قطبی کی فلم نائٹ ٹرین کی جے پور فلمی میلے کے دوران نمائش کی جائے گی۔ دونوں فلموں کو طویل دورانئے کی فلموں کے ایونٹ میں منتخب کیا گیا ہے۔
بین الاقوامی جے پور فلمی میلے کے سیکریٹری ہنو راج نے معروف ایرانی تنقید نگار پروفیسر حامد سلمان زادے کو فیسٹول کے کور سیشن میں بطور جج شرکت کی دعوت دی ہے۔
تیرھواں جے پور بین الاقوامی فلمی میلہ پندرہ سے انیس جنوری دوہزار اکیس تک ہندوستان کے شہر جے پور میں منعقد ہوگا جو اب صورت کے نام سے مشہور ہے۔
