کورونا کے خلاف بھرپور جنگ پر صدر رئیسی کی تاکید
Aug ۰۹, ۲۰۲۱ ۲۱:۰۳ Asia/Tehran
ایران کے صدر سید ابراہیم رئیسی نے وزیر صحت کو ہدایات جاری کی ہیں کہ کورونا کے سلسلے میں احتیاطی تدابیر اور مریضوں کے علاج و معالجے کے سلسلے میں تمام توانائیوں کو بروئے کار لایا جائے۔
صدر مملکت نے وزیر صحت اور اسی طرح صوبے خراسان رضوی کے گورنر سے ٹیلیفون پر علیحدہ علیحدہ گفتگو کرتے ہوئے پورے ملک اور اسی طرح صوبے خراسان رضوی میں کورونا کی صوروت حال پر تبادلہ خیال کیا اور ضروری تدابیر اختیارکئے جانے کی ضرورت پر زور دیا۔۔
سید ابراہیم رئیسی نے کورونا کے سلسلے میں احتیاطی تدابیر اور مریضوں کے علاج و معالجے کے سلسلے میں تمام توانائیوں کو بروئے کار لائے جانے پر تاکید کی اور اس سلسلے میں ہدایات جاری کیں۔
