ایران و ہندوستان کے وزرائے خارجہ کی ملاقات، مختلف مسائل پر تبادلہ خیال
Sep ۱۷, ۲۰۲۱ ۰۷:۵۹ Asia/Tehran
اسلامی جمہوریہ ایران اور ہندوستان کے وزرائے خارجہ کی ملاقات میں مختلف مسائل پر تبادلہ خیال ہوا۔
اسلامی جمہوریہ ایران کے وزیر خارجہ حسین امیر عبد اللھیان اور ہندوستان کے وزیر خارجہ ایس جے شنکر کے درمیان یہ ملاقات تاجکستان میں شنگھائی تعاون تنظیم کے سربراہی اجلاس کی سائڈ لائن پر ہوئی۔
شنگھائی تعاون تنظیم کا سربراہی اجلاس 16 اور 17 ستمبر کو تاجسکتان کے دارالحکومت دوشنبہ میں ہو رہا ہے۔ آپسی تعاون کو فروغ دینا اس اجلاس کے رکن ممالک کا اہم مقصد ہے۔
ایرانی صدر سید ابراہیم رئیسی بھی شنگھائی تعاون تنظیم کے اجلاس میں شرکت کے لئے جمعرات کو دوشنبہ پہنچے ہیں۔
