ایران کی اعلی قومی سلامتی کونسل کے سیکریٹری نے کہا ہے کہ استقامتی تحریک کے اقدامات نے اسرائیلی حکام کو جعلی صیہونی ریاست کی نابودی کے اعتراف پر مجبور کردیا ہے۔

سحرنیوز/ایران:اپنے ایک ٹوئٹ میں علی شمخانی نے اسرائیل کو دنیا کے لیے متعدی وائرس قرار دیتے ہوئے لکھا ہے کہ استقامتی تحریک کے خوف سے ایران کو دھمکیاں دینے والے حساب کتاب کی غلطی کا شکار ہیں۔ 
علی شمخانی کے مطابق، جب وہ خود ہی اس جعلی ریاست کی نابودی کا وقت قریب آنے کا اعتراف کر رہے ہیں تو اس کا مطلب یہ ہے کہ تحریک مزاحمت صحیح سمت میں آگے بڑھ رہی ہے۔
انہوں نے کہا کہ، امام خمینی کا انقلاب تو ابھی شروع ہوا ہے۔