سپاہ پاسداران کی ایئرو اسپیس فورس نے پیغمبر اعظم فوجی مشقوں کے موقع پر سپر ہیوی ڈرون طیارہ غزہ کی رونمائی کر دی اور ایک ہائبرڈ آپریشن میں پہلی بار، غزہ ڈرون کے ذریعے ایک ساتھ آٹھ اہداف کونشان بناکر تباہ کردیا۔

سحرنیوز/ایران:  پاسداران انقلاب اسلامی کی ایئرو اسپیس فورس نے اپنے سپر ہیوی ڈرون غزہ کی رونمائی کردی۔ سپر ہیوی غزہ ڈرون کے  ونگ 22 میٹر کے ہیں اور اس کا وزن تین ہزار 100 کلو گرام ہے۔
اس ڈرون کی رفتار 350 کلومیٹر فی گھنٹہ ہے اور یہ مسلسل 35 گھنٹے تک پرواز کرسکتا ہے۔ سپاہ پاسداران کی ایئرو اسپیس فورس کا غزہ ڈرون، 500 کلو وزن  اٹھا سکتا ہے، ایک ساتھ 13 بم لے جاسکتا ہے، اس کی رینچ 1000 کلومیٹر ہے اور اس کا آپریشنل دائرہ 4000 کلومیٹر ہے۔