امریکی ڈرون ایرانی حدود سے فرار ہونے پر مجبور
ایرانی فضائی حدود کے نزدیک پرواز کرنے والا امریکی ایم کیو فور سی جاسوس ڈرون، ایرانی جنگی طیاروں کی کاروائی کے بعد پسپائی اختیار کرنے پر مجبور ہوگیا۔
سحرنیوز/ایران: مہر خبررساں ایجنسی کی رپورٹ کے مطابق، ایک امریکی جاسوس ایم کیو فور سی ڈرون ایرانی فضائی حدود کے قریب پرواز کررہا تھا، تاہم ایرانی جنگی طیاروں کی بروقت کارروائی کے بعد اسے پسپائی اختیار کرنا پڑی۔ تفصیلات کے مطابق امریکی ایم کیو فور سی ڈرون جیسے ہی ایرانی فضائی حدود کے قریب پہنچا، ایران کے ایف چودہ جنگی طیارے اور نگرانی کرنے والے ڈرونز فوری طور پر حرکت میں آئے، جس کے بعد امریکی ڈرون کو علاقے سے پیچھے ہٹنا پڑا۔
ایرانی فوجی حکام نے واضح کیا ہے کہ کسی قسم کی فضائی دراندازی پر بروقت کارروائی کی جائے گی۔ سپاہ پاسداران انقلاب کی فضائیہ نے کہا ہے کہ دشمن کسی بھی اشتعال انگیزی سے باز رہے۔ ایرانی فضائی حدود کی خلاف ورزی کرنے والے کسی بھی دشمن طیارے کو مار گرانے میں کوئی ہچکچاہٹ نہیں کی جائے گی۔
