ایرانی بحریہ خطے کے دوست اور ہمسایہ ممالک کو اپنی خدمات پیش کرنے کے لیے آمادہ ہے: ریئر ایڈمرل شہرام ایرانی
بحریہ کے کمانڈر ریئر ایڈمرل شہرام ایرانی نے کہا ہے کہ امن اور دوستی کی پالیسی کے تحت دوست اور ہمسایہ ممالک کی تجارتی جہازوں کو خدمات فراہم کرنے کے لیے تیار ہے۔
سحرنیوز/ایران: یہ بات انہوں نے ہفتے کے روز کردستان نامی فلوٹنگ بیس کی نقاب کشائي اور تباہ کن بحری جہاز "سہند" کی بحریہ میں شمولیت کی تقریب سے خطاب کرتے ہوئے کہی۔
ریئر ایڈمرل شہرام ایرانی نے تباہ کن بحری جہاز سہند کی خصوصیات کی جانب اشارہ کرتے ہوئے کہا کہ یہ بحری جہاز کھلے سمندروں اور گہرے پانیوں میں مشن کی انجام دہی کی غرض سے ڈیزائن کیا گيا ہے۔
انہوں نے کہا کہ تجارتی بحری جہازوں کی حفاظت اور ملکی دفاع اور بحری سفارت کاری کے دائرہ کار میں مشترکہ مشقوں میں حصہ لینا سہند کے مشن میں شامل ہے تاہم اسے امداد رسانی، غذائی اشیا کی ترسیل اور ادویات کی فراہمی کے لیے بھی استعمال کیا جاسکتا ہے۔
ہمیں فالو کریں:
Follow us: Facebook, X, instagram, tiktok
بحریہ کے کمانڈر نے اسلامی جمہوریہ ایران کی امن اور دوستی کی پالیسی پر زور دیتے ہوئے کہا کہ ایرانی بحریہ امن اور دوستی کی پالیسی کے تحت دوست اور ہمسایہ ممالک کے جہازوں کو بھی خدمات فراہم کرنے کے لیے تیار ہے۔
