انجمن دوستی ایران و پاکستان کے صدر نے تہران اور اسلام آباد کے درمیان، عوامی، اقتصادی اور ثقافتی روابط کی تقویت پرزور دیا ہے۔

سحرنیوز/ایران:    انجمن دوستی ایران و پاکستان کے صدر مہدی ہنر دوست نے تہران میں پاکستان کے سفیر عمران احمد صدیقی سے ملاقات کی۔

اس ملاقات میں دونوں ملکوں کے درمیان تعلیمی، ثقافتی اور اقتصادی تعاون میں تقویت اور عوامی رابطوں میں توسیع پر زور دیا گیا۔

دونوں فریقوں نے اس ملاقات میں، ایران اور پاکستان کے درمیان سیکورٹی روابط کو باہمی اعتماد، تعاون اور یک جہتی کی بنیاد پر استوار کرنے کی ضرورت پر زور دیا اور کہا کہ پائیدار سلامتی اسی وقت قائم ہوسکتی ہے جب ثقافتی، اقتصادی، علمی اور دونوں ملکوں کی یونیورسٹیوں اورعوام کے رابطے مضبوط ہوں۔

ہمیں فالو کریں:  

Follow us: Facebook, X, instagram, tiktok  whatsapp channel

انجمن دوستی ایرن و پاکستان کے صدر اور تہران میں پاکستان کے سفیر نے اس بات پر اتفاق کیا کہ ایران اور پاکستان کو چاہئے کہ ایک دوسرے کو صرف پڑوسی نہیں بلکہ اسٹریٹیجک حلیف اور حقیقی دوست سمجھیں۔  

 انجمن دوستی ایران و پاکستان کے صدر مہدی ہنر دوست اور پاکستان کے سفیر عمران احمد صدیقی نے ثقافتی سفارتکاری کی تقویت، اقتصادی تعاون میں توسیع اور دونوں ملکوں کے مشترکہ منصوبوں پرعمل درآمد کی ضرورت پر اتفاق کیا۔