SAHAR

مسلح دہشت گردوں نے افغانستان میں دو مسجدوں کو نذر آتش کر دیا-

ہمارے نمائندے کی رپورٹ کے مطابق افغانستان کے صوبہ بغلان کے مقامی ذرائع کا کہنا ہے کہ نامعلوم مسلح افراد نے صوبہ بغلان کے صدر مقام پل خمری کے مضافات میں دو مسجدوں کو نذرآتش کر دیا- اس دوران دہشت گردوں اور مقامی افراد میں جھڑپیں شروع ہو گئیں اور دہشت گرد، راہ فرار اختیار کرنے پر مجبور ہو گئے- اس خبر کی مزید تفصیلات سامنے نہیں آئی ہیں اور ابھی تک کسی شخص یا گروہ نے اس واقعے کی ذمہ داری قبول نہیں کی ہے- گذشتہ ایک ہفتے کے دوران شہر پل خمری کے ڈنڈہ غوری علاقے میں چھے مسجدیں نذر آتش کی جا چکی ہیں- اس سے قبل بھی مقامی افراد نے بتایا تھا کہ اس علاقے میں داعش دہشت گرد گروہ کے اقدامات تیز ہو گئے ہیں-