SAHAR

افغان سیکورٹی فورس کے اہلکاروں نے صوبہ ننگرہار میں دو خود کش حملہ آوروں کو فائرنگ کر کے ہلاک کر دیا ہے۔

افغانستان کی قومی سلامتی کے ادارے کے پریس آفس کے جاری کردہ بیان میں آیا ہے کہ سیکورٹی اداروں کو خفیہ اطلاعات ملی تھیں کہ دو خود کش حملہ آور دھماکہ خیز مواد سے بھری ایک کار کے ذریعے جلال آباد شہر میں دہشت گردانہ کارروائی کرنا چاہتے ہیں۔ بیان کے مطابق افغانستان کی سیکورٹی فورس کے اہلکاروں اور خود کش حملہ آوروں کے درمیان جھڑپ کے دوران دھماکہ خیز مواد سے بھری دہشت گردوں کی گاڑی تباہ اور اس میں سوار دونوں دہشت گرد ہلاک ہوگئے۔ اس بیان میں یہ نہیں بتایا گیا کہ یہ کارروائی کب اور کیسے انجام دی گئی۔