SAHAR

سعودی عرب میں رواں سال کے دوران اب تک ایک سو سینتیس افراد کو موت کی سزا دی جا چکی ہے

فرانس پریس کی رپورٹ کے مطابق جمعرات کو سعودی دارالحکومت ریاض میں قتل کے ایک ملزم کا سر قلم کر دیا گیا- سعودی شہری محمد بن ترکی القحطانی پر اپنے ہم وطن کے قتل کا الزام تھا-

فرانس پریس نے سرکاری بیانات کی بنیاد پر جو اعداد و شمار تیار کئے ہیں ان کے مطابق سعودی عرب میں دوہزار پندرہ کے شروع سے اب تک سزائے موت پانے والوں کی تعداد ایک سو سینتیس تک پہنچ چکی ہے- جبکہ دو ہزار چودہ میں سعودی عرب میں ستاسی افراد کو پھانسی کی سزا دی گئی تھی جن میں سعودی اور غیر ملکی دونوں شامل تھے-