SAHAR

عراق کے قومی سلامتی کے مشیر نے سعودی عرب کے سفیر کے مداخلت پسندانہ بیان پر شدید تنقید کرتے ہوئے اسے نامناسب قراردیا ہے

عراق کے قومی سلامتی کے مشیر فالح فیاض نے جمعے کو العراقیہ ٹیلی ویژن چینل کے ساتھ اپنے انٹرویو میں کہا کہ سعودی سفیر ثامر السبہان کا عراق کی عوامی رضاکارفورس کے خلاف دیا گیا بیان غلط ہے- انہوں نے کہا کہ سعودی سفیر کا یہ بیان سعودی حکومت کا موقف سمجھا جائے گا - عراق کے قومی سلامتی کے مشیر نے کہا کہ دشمن چاہتا ہے کہ وہ عراقی فوج اور عوامی رضاکار فورس کو کمزور کرے لیکن اسے برداشت نہیں کیا جائے گا-

واضح رہے کہ عراق میں سعودی سفیر ثامرالسبہان نے گذشتہ سنیچر کو اپنے مداخلت پسندانہ بیان میں کہا تھا کہ عراق کی عوامی رضاکار فورس کے لئے کردوں اور صوبہ الانبار کے باشندوں کی مخالفت سے یہ ظاہر ہوتاہے کہ عوامی رضاکار فورس کی عراقی معاشرے میں کوئی جگہ نہیں ہے- عراقی سفیر کے اس بیان کی عراق کی سیاسی اور مذہبی شخصیات نے سخت مذمت کی ہے جبکہ عراق کی متعدد سیاسی جماعتوں نے حکومت سے مطالبہ کیا ہے کہ وہ سعودی سفیر کو ملک سے نکال دے۔