SAHAR

شام کے مختلف علاقوں میں شامی فوج اور عوامی رضاکار فورس کی پیشقدمی جاری ہے

المنار ٹی وی چینل کی رپورٹ کے مطابق ہفتے کی سہ پہر کو شامی فوج نے شہر دیرالزور کے مشرقی علاقے میں داعش کے ایک ٹھکانے پر قبضہ کرلیا اور اس کا ایک ٹینک تباہ کردیا کہ جس کے نتیجے میں متعدد دہشت گرد ہلاک اور زخمی ہوگئے-

شامی فوج نے حمص میں بھی اپنی پیشقدمی جاری رکھتے ہوئے داعش دہشت گردوں کو بھاری نقصان پہنچایا اور جنوبی حمص کے علاقے کو داعش کے قبضے سے آزاد کرالیا۔

شامی فوج نے اسی طرح تدمر کے کوہستانی علاقے میں داعش کے متعدد خفیہ ٹھکانوں کو تباہ اور دسیوں دہشت گردوں کو ہلاک اور زخمی کردیا ۔ داعش کے افراد اس جگہ پر جمع ہوتے تھے اور یہ ان کا اہم اڈہ تھا-