شام کے صوبے رقہ میں کردوں کی پیشقدمی
Jun ۰۸, ۲۰۱۶ ۱۹:۴۴ Asia/Tehran
شام کے کردوں نے شمالی صوبے رقہ میں کئی علاقوں کو دہشت گردوں کے قبضے سے آزاد کرا لیا ہے
شام کی سرکاری خبررساں ایجنسی سانا نے خبر دی ہے کہ شام کی کرد ملیشیا نے شام کے شمالی صوبے رقہ کےجنوب مغربی علاقوں میں داعش کے عناصر کے ٹھکانوں پر شدید حملے کر کے دسیوں دہشت گردوں کو ہلاک اور کئی دیہی علاقوں کو ان کے قبضے سے آزاد کرا لیا ہے- ان حملوں میں دہشت گردوں کی بہت سی گاڑیاں بھی تباہ ہوگئی ہیں -
ادھر شامی فوج نے دمشق کے قریب داریا قصبے اورحلب کے مضافاتی علاقے الحمیرہ میں جبہتہ النصرہ کے دو سرغنوں عامرابوشادی اور احمد عمر محمد ابراہیم کو ہلاک کر دیا ہے-
دریں اثنا شام کی فضائیہ کے جنگی طیاروں نے مشرقی شہر دیرالزور کے مضافات میں دہشت گردوں کے ٹھکانوں پر بمباری کی ہے اس حملے میں بھی متعدد ہشت گرد ہلاک ہوگئے ہیں-
