SAHAR

شامی فوج نے ملک کے شمال مشرقی اور شمالی علاقوں میں دہشت گردوں کے خلاف اپنی کارروائیاں جاری رکھتے ہوئے بہت سے دہشت گردوں کو ہلاک کر دیا ہے

شام کی سرکاری خبررساں ایجنسی سانا نے خبر دی ہے کہ رقہ کے مغربی مضافات میں واقع مثلث الرصافہ علاقے میں فوج نے دہشت گردوں کے ٹھکانوں پرحملہ کرکے بہت سے دہشت گردوں کو ہلاک کر دیا ہے-

دوسری جانب شامی فوج نےحلب کے جنوبی مضافاتی علاقے الزربہ اور خان طومان کی جانب پیشقدمی کرتے ہوئے دہشت گردگروہوں کو بھاری جانی نقصان پہنچایا ہے-

بتایا جاتا ہے کہ اس کارروائی میں دسیوں دہشت گرد ہلاک ہوئے ہیں اور ان کی دسیوں گاڑیاں منہدم ہوگئی ہیں-

اس درمیان شامی فوج نے درعا کے مشرقی مضافاتی علاقے النعیمہ میں دہشت گرد گروہ جبہتہ النصرہ کے اڈے پر حملہ کر کے اس کو پوری طرح منہدم کر دیا - اس حملے میں بھی بہت سے دہشت گرد ہلاک ہوگئے اور ان کے فوجی ساز و سامان بھی تباہ کر دیئے گئے -