صوبہ قندوز کا شہر خان آباد افغان فوج نے واپس لے لیا
افغانستان کی فوج نے چند گھنٹے کے اندر ہی صوبہ قندوز کے شہر خان آباد کو طالبان کے قبضے سے واپس لے لیا ہے
افغانستان میں فوجی اور سیکورٹی حکام نے اس خبر کی تصدیق کرتے ہوئے کہا ہے کہ فوج اور سیکورٹی فورس نے خان آباد شہر کو چند گھنٹے کے اندر اندر طالبان سے واپس لے لیا ہے - طالبان نے ہفتے کی صبح صوبہ قندوز کے شہر خان آباد پر قبضہ کرلیا تھا - خان آباد شہر جو قندوز کو صوبہ تخار سے ملاتا ہے اسٹریٹیجک اعتبار سے اہم شہر سمجھا جاتا ہے - اس سے پہلے افغان حکام نے کہا تھا کہ افغان فوج اور سیکورٹی فورس کی تعداد کم ہونےاور بروقت اسلحہ جاتی مدد نہ پہنچ پانے کی وجہ سے طالبان نے خان آباد شہر پر قبضہ کر لیا تھا - خان آباد شہر پر طالبان کے حملے کے نتیجے میں علاقے کے لوگوں کی بڑی تعداد افغانستان کے مشرقی صوبوں منجملہ تخار کی جانب فرار کرگئی ہے - ابھی تک اس جنگ میں ہونےوالی ہلاکتوں کی تعداد کے بار ے میں کوئی خبر نہیں ملی ہے