صیہونی انخلاء کے بغیر جنوبی لبنان کا بحران حل نہیں ہو سکتا: لبنانی صدر کا دوٹوک مؤقف

Feb ۰۷, ۲۰۲۶ ۲۰:۱۴ Asia/Tehran

لبنان کے صدر جوزف عون نے اس بات پر زور دیا کہ صیہونی حکومت کے مقبوضہ علاقوں سے انخلاء اور لبنانی فوج کی سرحد پر تعیناتی کے بغیر جنوبی لبنان کے بحران کا کوئی پائیدار حل ممکن نہیں ہے

سحرنیوز/عالم اسلام: جوزف عون نے فرانسیسی وزیر خارجہ ژان نوئل بیرو کے ساتھ بعبدا پیلس میں ملاقات میں کہا کہ مقبوضہ جنوبی علاقوں سے اسرائیل کا انخلاء اور سرحدوں پر فوج کی تعیناتی، جنوبی لبنان کے بحران کے حل کی سب سے بڑی وجہ سمجھی جاتی ہے۔ اس صورت میں فوج سرحدوں کے پار سلامتی اور استحکام کو مستحکم کرنے اور اسے برقرار رکھنے کی مکمل ذمہ داری قبول کرے گی۔

ہمیں فالو کریں:

انہوں نے مزید کہا کہ موجودہ صورت حال کا جاری رہنا ناقابل قبول ہے اور اسرائیلیوں کو سمجھنا چاہیے کہ لبنانی علاقوں سے انخلاء کے بغیر، سرحد پر اس غیر معمولی صورتحال کو ختم کرنے کے لیے کوئی مثبت نتائج حاصل نہیں ہوں گے۔ خیال رہے یہ ایسے عالم میں ہے کہ صیہونی حکومت لبنانی علاقوں سے انخلاء کے بین الاقوامی مطالبات سے لاتعلق ہے اور جنوبی لبنان کے مستقل راہ حل میں رکارٹیں پیدا کررہی ہے۔