SAHAR

افغانستان کے جنوبی صوبے ہلمند کے ضلع خان شین کے طالبان کے ہاتھوں سقوط کر جانے کی خبریں موصول ہوئی ہیں۔

ایک افغان عہدیدار نے اپنا نام ظاہر نہ کرنے کی شرط پر شن ہوا نیوز ایجنسی کو بتایا ہے کہ منگل کی صبح ، خان شین ضلعے پر طالبان نے قبضہ کرلیا ہے۔

دوسری جانب ہلمند کے گورنر ہاؤس کے ترجمان عمر زواک نے بتایا ہے کہ افغان سیکورٹی فورس نے گزشتہ رات ہی خان شین کو خالی کر دیا تھا اور اسے دوبارہ حاصل کرنے کے لیے حکومت نے فی الحال کوئی فیصلہ نہیں کیا ہے۔

طالبان نے بھی دعوی کیا ہے کہ خان شین شہر مکمل طور سے اس کے قبضے میں آ گیا ہے۔ اس سے قبل طالبان عناصر نے صوبہ ہلمند کے نواحی علاقے نوا پر قبضہ کر لیا تھا جسے افغان سیکورٹی فورس نے واپس لے لیا ہے۔