افغانستان میں 4 ہزار امریکی فوجی بھیجنے کا منصوبہ
ٹرمپ انتظامیہ نے کہا ہے کہ وہ افغانستان میں مزید 4 ہزار فوجی اہلکار بھیجے گی ۔
خبررساں ادارے تسنیم کے مطابق پنٹاگون افغانستان میں اپنے مزید 4 ہزار فوجی اہلکار بھیجنے کا منصوبہ رکھتی ہے جس کا اعلان آئندہ ہفتے تک متوقع ہے۔
اضافی امریکی اہلکار افغان فورسز کی تربیت کریں گے جبکہ دیگرامریکی فوجی اہلکاروں کو طالبان اور داعش کے خلاف انسداد دہشت گری کے آپریشن میں شامل کیا جائے گا۔
امریکی وزیرجنگ جیمز میٹس نے کہا ہے کہ ٹرمپ انتظامیہ افغانستان میں واشنگٹن کی ماضی کی غلطیاں نہیں دہرائے گی۔
واضح رہے کہ ٹرمپ انتظامیہ کے ابتدائی 6 ماہ کے دوران کسی بھی ملک میں امریکی فوجیوں کی یہ سب سے بڑی تعیناتی ہو گی۔
ٹرمپ کے صدارتی انتخابات جیتنے اور عہدہ سنبھالنے کے بعد افغان طالبان نے ڈونلڈ ٹرمپ سے افغانستان سے امریکی فوجیں واپس بلانے کا مطالبہ کیا تھا جسے بہ ظاہر ٹرمپ نے مسترد کرتے ہوئے اس ملک میں مزید امریکی افواج کو تعینات کرنے کا منصوبہ بنایا ہے۔
