دیرالزور میں شامی فوج کی کارروائیاں، داعش کا ہیڈ کوارٹر تباہ
شامی فوج نے مشرقی حمص میں اپنی کارروائیوں کے دوران دیرالزور میں دہشت گرد گروہ داعش کے ہیڈ کوارٹر کو تباہ کر دیا۔
شامی فوج نے مشرقی ضلیعیات کے کئی علاقوں پر کنٹرول حاص کر لیا اور داعش کے کئی دہشت گردوں کو ہلاک کر دیا- اس کارروائی میں داعش کے فوجی سازو سامان بھی تباہ کر دیا- شامی فوج کے لڑاکا طیاروں نے شام کے مشرقی علاقوں الحویقہ، المطارالقدیم اور العرفی پر بمباری کر کے متعدد داعش دہشت گردوں کو ہلاک کر دیا-
شہر دیرالزورکے المقابر، پانوراما اور الراشدیہ کے علاقوں میں شامی فوج کی کارروائیوں میں اٹھارہ دہشت گرد ہلاک ہو گئے- ان کارروائیوں میں دہشت گردوں کی کئی بکتر بند گاڑیاں بھی تباہ ہو گئیں-
معمل الورق، حویجہ، المریعیہ اور البولیل میں دہشت گردوں کے اڈوں پر شامی فوج کے حملوں میں بھی درجنوں دہشت گرد ہلاک اور متعدد زخمی ہو گئے۔
واضح رہے کہ تیل سے مالا مال شہر دیرالزور دو ہزار چودہ سے دہشت گرد گروہ داعش کے قبضے میں ہے اور وہ شام کا تیل چوری کر کے ترکی اسمگل کر کے اپنے اخراجات پورے کرتا رہا ہے۔
