یمن میں سعودی عرب کی جارحیت، بیس افراد جاں بحق اور زخمی
Aug ۰۴, ۲۰۱۷ ۱۷:۳۳ Asia/Tehran
یمن کے صوبہ صعدہ میں سعودی فوجیوں کے جنگی طیاروں کے نئے حملوں میں بیس عام شہری جاں بحق اور زخمی ہوئے ہیں
فارس نیوز ایجنسی نے المسیرہ ٹی وی کے حوالے سے رپورٹ دی ہے کہ سعودی جنگی طیاروں نے جمعے کی صبح صوبہ صعدہ کے کچھ علاقوں پر بمباری کی جس کے نتیجے میں دس عام شہری جاں بحق اور دس دیگر زخمی ہوگئے- سعودی جنگی طیاروں نے رازح میں برکان علاقے میں ہائی وے پر ایک گاڑی کو بھی سعودی جنگی طیاروں نے نشانہ بنایا- جس میں دو افراد جاں بحق اور سات دیگر زخمی ہوگئے- سعودی عرب کے جنگی طیاروں نے صوبہ صعدہ کے محضہ علاقے میں بھی ایک یمنی شہری کے گھر کو نشانہ بنایا جس کے بعد جائے وقوعہ پر پہنچنے والی امدادی ٹیم کو ملبے سے سات لاشیں ملیں جبکہ تین افراد زخمی تھے-