عالمی امن کو شدید خطرات لاحق ہیں:پاکستانی صدر

Feb ۰۹, ۲۰۲۶ ۱۸:۱۳ Asia/Tehran

پاکستان کے صدر نے دعوی کیا ہے کہ طالبان نے افغانستان کو نائن الیون حملوں جیسی یا اس سے پہلے کی بدتر صورتحال سے دوچار کردیا ہے جس سے عالمی امن کو شدید خطرات لاحق ہیں۔

سحرنیوز/پاکستان: پاکستان کے صدر آصف زرداری نے افغان طالبان پر ملک کے اندر دہشت گرد تنظیموں کو ختم کرنے یا ان کا مقابلہ کرنے میں ناکام ہونے کا الزام لگایا اور دعوی کیا کہ پاکستان کا مشرقی پڑوسی ملک بھی، طالبان کی حکومت اور علاقائی امن و استحکام کے خلاف اس کے اقدامات کی حمایت کرتا ہے۔

پاکستان کے صدر نے مزید کہا کہ ان کے ملک کو افغانستان کی صورتحال پر گہری تشویش ہے کیونکہ طالبان نے افغانستان کو نائن الیون حملوں جیسی یا اس سے پہلے کی بدتر صورتحال سے دوچار کردیا ہے ۔

ہمیں فالو کریں:

نئی دہلی اور کابل کے خلاف اپنے موقف کے بارے میں صدر زرداری نے دعوی کیا کہ بدقسمتی سے، کچھ پڑوسی ممالک دہشت گرد عناصر کو اپنی سرزمین سے پاکستان کے خلاف کارروائیوں کی اجازت دے کر اس جرم میں ملوث ہو گئے ہیں، جبکہ بعض ممالک نہ صرف براہ راست ان کی مالی معاونت کرتے ہیں بلکہ انہیں تکنیکی اور فوجی ذرائع بھی فراہم کرتے ہیں۔ادھر طالبان حکام نے کئی بار اس بات کا اعلان کیا ہے کہ پاکستان میں ہونے والی دہشت گردی میں افغانستان کا کوئی کردار نہیں ہے طالبان نے پاکستان پر زور دیا کہ وہ سلامتی کے واقعات کے لیے الزام تراشی کے بجائے علاقائی تعاون اور دو طرفہ تعلقات کو بہتر بنانے پر توجہ دے۔