SAHAR

شام کے صدر بشار اسد نے کہا ہے کہ شام میں بحران پیدا اور جنگ کی آگ بھڑکانے کا مقصد علاقے کے ملکوں کو پسماندگی کا شکار بنانا ہے۔

شام کے صدر بشار اسد نے دمشق میں رجعت پسند اور صیہونی و امریکی اتحاد کامقابلہ اور فلسطینی عوام کی حمایت کے زیرعنوان منعقدہ ایک سمینار کو خطاب کرتے ہوئے کہا کہ دشمن کی خواہش ہے کہ علاقے کے ممالک امریکا کی بالادستی میں بڑے ملکوں کے مالی اداروں کے مفادات کی ہی تکمیل کرتے رہیں۔
بشار اسد کا کہنا تھا کہ شام میں بحران اورجنگ اسی لئے مسلط کی گئی ہے تاکہ علاقے کے ممالک پسماندگی کا شکار اور وہ ترقی و پیشرفت سے محروم رہیں۔
اس بین الاقوامی سمینار میں شام، لبنان، فلسطین، یمن، اردن، مصر، عراق، الجزائر، بحرین اور موریطانیہ کی قومی شخصیات اور رہنماؤں نے شرکت کی۔