SAHAR

شامی فوج نے ملک کے شمال مغربی صوبے ادلب کے نواح میں دہشت گردوں کے ٹھکانوں پر گولہ باری کی ہے۔

 سرکاری خبررساں ایجنسی سانا کے مطابق ادلب کے نواحی علاقے سراقب میں کی جانے والی گولہ باری میں دہشت گرد گروہ جبہت النصرہ کے درجنوں دہشت گرد ہلاک اور زخمی ہو گئے۔
 دوسری جانب کرد ڈیموکریٹ فورس نے الباغوز کے علاقے سے فرار ہونے والے چار سو داعشیوں کو گرفتار کرلیا۔
 قابل ذکر ہے کہ دہشت گردوں کی بعض ٹولیاں شام کے صوبے حماہ اور ادلب کے نواحی علاقوں میں اب بھی موجود ہیں جہاں وہ شامی فوج اور عام شہریوں پرحملے کرتی ہیں۔
 شامی فوج نے ملک کے بیشتر علاقوں کو دہشت گردوں کے قبضے سے آزاد کرا لیا ہے