SAHAR

یمنی فوج اور عوامی رضاکار فورس نے شمالی یمن کے صوبے الجوف میں جوابی کارروائی کرتے ہوئے سعودی اتحاد کے ٹھکانوں کو کتیوشا میزائلوں سے نشانہ بنایا اور کئی فوجیوں کو ہلاک کر دیا۔

یمنی فوج اور عوامی رضاکار فورس نے اعلان کیا ہے کہ صوبے الجوف میں سعودی اتحاد کے فوجیوں کے ٹھکانوں پر میزائل حملے میں چار فوجی ہلاک اور دسیوں دیگر زخمی ہو گئے۔یمن کی مسلح افواج کے ڈپٹی کمانڈر میجر جنرل علی الموشکی نے حال ہی میں کہا تھا کہ یمن کی مسلح افواج نے عہد کیا ہے کہ کسی بھی جارح فوجی کو یمن سے زندہ واپس نہیں جانے دیا جائے گا۔قابل ذکر ہے کہ یمن کے تمام تر محاصرے کے باوجود یمنی فوج اور عوامی رضاکار فورس کی دفاعی توانائیوں میں مسلسل اضافہ ہو رہا ہے۔