لیبیا کے سیکڑوں شہریوں نے دارالحکومت طرابلس میں مظاہرے کر کے سعودی مداخلت بند کرنے کا مطالبہ کیا ہے۔

سعودی سفارت خانے کے سامنے کیے گئے اس مظاہرے میں شریک لوگوں نے مطالبہ کیا کہ سعودی عرب اور متحدہ عرب امارات خلیفہ حفتر کی حمایت کرنا بند کر دیں۔

ایسے ہی مظاہرے مصراتہ شہر میں بھی کیے گئے جہاں لوگوں نے خلیفہ حفتر کے خلاف نعرے بھی لگائے۔ بعض مظاہرین نے فرانس کی جانب سے بھی خلیفہ حفتر کی حمایت کیے جانے کی مذمت کی اور یلو جیکٹ پہن کر پیرس کے خلاف احتجاج کیا۔