SAHAR

صنعا میں دفاعی اور عسکری ذرائع نے بتایا ہے کہ یمنی فوج اور عوامی رضاکار فورس نے صوبہ جیزان کے علاقے جبل الدود میں واقع سعودی فوجی ٹھکانوں پر چھے میزائل داغے جس کے نتیجے میں جارح اتحاد کو بھاری جانی اور مالی نقصان پہنچا ہے۔یمنی فوج اور عوامی رضاکار فورس نے جنوبی سعودی عرب کے صوبے عسیر کے علاقے مجازہ میں بھی فوجی اہداف کو میزائلی حملوں کا نشانہ بنایا ہے۔سعودی عرب اور اس کے اتحادیوں نے مارچ دوہزار پندرہ سے یمن کو وحشیانہ جارحیت کا نشانہ بنا رکھا ہے جس کے نتیجے میں ہزاروں بے گناہ یمنی شہری شہید اور زخمی ہوچکے ہیں۔یمنی عوام کی استقامت اور مزاحمت کی وجہ سے سعودی عرب اور اس کے اتحادیوں کو اپنے مقاصد میں ناکامی کا سامنا ہے۔