ایران کا یورپی ممالک کے خلاف سخت اقدام

Feb ۲۲, ۲۰۲۶ ۱۷:۰۰ Asia/Tehran

ایران نے یورپی یونین کے رکن ممالک کی بحری اور فضائی افواج کو دہشت گرد قرار دے دیا ہے۔

سحرنیوز/ایران: ایران کی وزارت خارجہ نے ایک بیان میں اعلان کیا ہے کہ یورپی یونین کے تمام رکن ممالک کی بحری اور فضائی افواج کو دہشت گرد تنظیموں کے زمرے میں شامل کیا جا رہا ہے۔ بیان میں کہا گیا ہے کہ یہ اقدام یورپی یونین کے رکن ممالک کے اس فیصلے کے جواب میں کیا گیا ہے جس میں سپاہ پاسداران انقلاب اسلامی کو دہشت گرد ادارہ قرار دیا گیا تھا۔ وزارت خارجہ نے واضح کیا کہ یہ اقدام ایران کے داخلی قوانین کے مطابق اور یورپی حکومتوں کی جانب سے بین الاقوامی قانون کی مبینہ خلاف ورزی کے ردعمل میں اٹھایا گیا ہے۔

ہمیں فالو کریں:

وزارت خارجہ نے اپنے بیان میں کہا کہ یورپی حکومتوں نے اقوام متحدہ کے منشور اور بین الاقوامی قوانین کے بنیادی اصولوں کے برخلاف سپاہ پاسداران کو دہشت گرد تنظیم قرار دیا، جو کہ ایران کی مسلح افواج کا باضابطہ رکن ادارہ ہے۔ اس بنا پر اسلامی جمہوریہ ایران ردعمل کے اصول کے تحت جواب دے گا۔