SAHAR

صنعا حکومت کی قومی مذاکراتی ٹیم کے سربراہ نے کہا ہے کہ علاقے میں قیام امن، ہتھیاروں کی گھن گرج سے دور مذاکرات اور مفاہمت کے ذریعے ہی ممکن ہے۔ عبدالسلام نے تاکید کے ساتھ کہا کہ ملت یمن پورے جزیرہ عرب میں امن و سیکورٹی کی خواہاں ہے تاہم کسی کے ظلم و ستم اور تسلط پسندی کو برداشت نہیں کرے گی- صنعا حکومت کی قومی مذاکراتی ٹیم کے سربراہ نے کہا کہ سعودی عرب کو یہ سمجھنا چاہئے کہ امریکہ سے امیدیں وابستہ کرنے سے کچھ حاصل نہیں ہوگا- انھوں نے تاکید کے ساتھ کہا کہ جارح اتحاد خاص طور سے سعودی عرب کو بخوبی سمجھ لینا چاہئے کہ اسے تکبر اور غرور نے اس نوبت تک پہنچا دیا ہے- صنعا حکومت کی قومی مذاکراتی ٹیم کے سربراہ نے کہا کہ تمام عربوں اور مسلمانوں کے لئے میرا یہ پیغام ہے کہ ہم جنگ نہیں چاہتے لیکن اپنی قوم کے دفاع کے سلسلے میں خاموش نہیں بیٹھیں گے۔