SAHAR

افغانستان کے چیف ایگزیکٹو اور صدارتی امیدوارعبد اللہ عبد اللہ نے کہا ہے کہ ایسے دوہزار چارسو ووٹوں کی دوبارہ گنتی روکی جائے جن کا ریکارڈ بائیو میٹرک سسٹم میں موجود نہیں ہے۔ انہوں نے ملک کے انتخابی کمیشن کو خبردار کیا ہے کہ اگر اس نے دوبارہ گنتی کا سلسلہ نہ روکا تو وہ سخت ردعمل ظاہر کریں گے۔ 

دوسری جانب افغانستان کے موجودہ صدر اشرف غنی نے تاحال اپنے انتخابی مبصرین کو واپس نہیں بلایا لیکن دوسرے صدارتی امیدواروں نے دوبارہ گنتی کے عمل میں تاخیر پر مایوسی کا اظہار کردیا۔

واضح رہے کہ افغانستان میں صدارتی نشست کے لیے اٹھائیس ستمبر کو پولنگ ہوئی تھی لیکن بیلٹ گنتی کے دوران بدعنوانی اور تکنیکی امور کے الزامات کے بعد نتائج کا اعلان متعدد مرتبہ ملتوی کردیا گیا تھا۔

توقع کی جارہی ہے کہ افغانستان کے صدارتی انتخابات کے ابتدائی انتخابی نتائج چودہ نومبر کو متوقع ہیں۔