SAHAR

حماس کے سیاسی شعبے کے سربراہ اسماعیل ہنیہ نے العالم کو انٹرویو دیتے ہوئے کہا کہ شہید جنرل قاسم سلیمانی نے فلسطینی استقامت کی حمایت میں مرکزی کردار ادا کیا ہے اور فلسطینی استقامت کے لئے ان کی تمام حمایتں اور مدد ایک دن تاریخ میں لکھی جائے گی۔

اسماعیل ہنیہ نے تاکید کے ساتھ کہا کہ شہداء کا خون استقامت کو اتنا مضبوط بنا دے گا کہ غاصب صیہونیوں اور امریکہ پر ثابت ہوجائے گا کہ علاقے میں ان کی پالیسیاں ناکام ہوچکی ہیں اور وہ پسپا ہوچکے ہیں اور علاقے پر اپنے عزائم مسلط نہیں کر سکتے۔ 

تحریک حماس کے رہنما اسماعیل ہنیہ نے آج صبح تہران میں شہداء کے تشییع جنازہ کے موقع پر خطاب کرتے ہوئے بھی امریکہ اور صیہونی حکومت کے جرائم کی مذمت کی تھی اور کہا تھا کہ جو استقامت لبنان اور غزہ میں فاتح ہوئی ہے وہ صیہونیوں کے خلاف آئندہ ہونے والی فیصلہ کن جنگ میں بھی کامیاب ہوگی۔