دشمن کے مقابل نرمی کے اظہار سے سیکورٹی حاصل نہیں ہوسکتی: سپاہ پاسداران کے کمانڈر کے مشیر جنرل نقدی

Jan ۰۵, ۲۰۲۶ ۱۴:۰۵ Asia/Tehran

سپاہ پاسداران انقلاب اسلامی کے کمانڈر کے مشیر جنرل محمد رضا نقدی نے کہا ہے کہ دشمن کے مقابل نرمی کے اظہار سے سیکورٹی حاصل نہیں ہوسکتی بلکہ دشمن کی جارحیت میں اضافہ ہی ہوگا۔

سحرنیوز/ایران: ارنا کی رپورٹ کے مطابق پاسداران انقلاب اسلامی کے کمانڈر کے مشیر جنرل محمد رضا نقدی نے ایران کے صوبۂ کرمان کے ایک جنوبی شہر جِیرُفت میں سردار استقامت شہید جنرل قاسم سلیمانی کی برسی کے موقع پر خطاب کرتے ہوئے کہا کہ دشمن کے مقابل نرمی کے اظہار سے نہ صرف سیکورٹی حاصل نہیں ہوسکتی بلکہ اس صورت میں دشمن کی جارحیت اور دباؤ میں اضافہ ہی ہوگا۔

جنرل محمد رضا نقدی نے کہا کہ سلامتی کے تحفظ کا واحد طریقہ استقامت اور دشمن کو سخت جواب دینا ہے نہ کہ دشمن طاقت کے سامنے نرمی سے کام لینا۔

انہوں نے کہا کہ یمن، لبنان، فلسطین اور دیگر استقامتی تنظیموں نے ثابت کردیا ہے کہ جہاں کہیں استقامت کا مظاہرہ کیا گیا وہاں دشمن نے پسپائی اختیار کی اور جہاں کہیں نرمی اور تاخیر سے کام لیا گیا وہاں ناکامی کا سامنا کرنا پڑا ہے۔

انہوں نے امریکہ کی 2025 کے قومی سلامتی کی دستاویزات کی جانب اشارہ کرتے ہوئے کہا کہ واشنگٹن نے ان دستاویزات میں خود اعتراف کیا ہے کہ گزشتہ دہائیوں کے دوران مغربی ایشیا میں امریکی اسٹریٹیجی کو سنگین شکست ہوئی ہے۔

ہمیں فالو کریں:

انہوں نے کہا کہ واشنگٹن نے عراق اور افغانستان میں کئی ہزار ارب ڈالر خرچ کرکے بھی نہ صرف کوئی نتیجہ حاصل نہیں کیا بلکہ اس کے نتیجے میں علاقے کی قوموں میں امریکہ سے نفرت کئی گنا بڑھ گئي اور اسی کے نتیجے میں امریکی فوجیوں کو علاقے سے فرار ہونا پڑا۔