SAHAR

اسکول بس کھائی میں گر گئی جس کے نتیجے میں 27 افراد ہلاک جب کہ درجنوں زخمی ہوگئے۔

اطلاعات کے مطابق حادثہ انڈونیشیا کے مغربی صوبے جاوا میں پیش آیا جہاں ایک اسکول وین میں پہاڑی راستوں سے ہوتے ہوئے اپنی منزل کی جانب گامزن تھی۔

رپورٹس کے مطابق بس میں طلبہ، ان کے والدین اور استاتذہ سیر و تفریح کر کے واپسی کے سفر پر تھے۔ ناہموار راستے کی وجہ سے ڈرائیور بس پر کنٹرول نہ رکھ سکا اور بس کھائی میں جا گری۔

حادثے کی اطلاع ملتے ہی ریسکیو ٹیمیں، پولیس اور انتظامیہ کے افراد جائے حادثہ پر پہنچے۔ ریسکیو ٹیموں نے امدادی کارروائی کرتے ہوئے 27 افراد کی لاشیں نکالیں جن میں چھوٹے بچے بھی شامل تھے۔

حکام کے مطابق زخمیوں کو اسپتال منتقل کردیا گیا جب کہ دیگر افراد کی تلاش کے لیے آپریشن جاری ہے۔