افغانستان میں امریکی ڈالر کا تسلط ختم
Nov ۰۳, ۲۰۲۱ ۰۹:۱۳ Asia/Tehran
طالبان کی حکومت نے ملک میں غیرملکی کرنسی من جملہ امریکی ڈالر کے استعمال پر پابندی لگادی ہے۔
ایران پریس کی رپورٹ کے مطابق طالبان کی عبوری حکومت نے کل رات اپنے ایک بیان میں کہا کہ ملک کی معاشی صورتحال اور قومی مفاد کے لیے افغان کرنسی کا استعمال کیا جائے۔
طالبان کی حکومت نے کہا کہ تمام افغان تاجر اور شہری اپنے کاروبار میں افغان کرنسی کا استعمال کریں۔
افغان مارکیٹوں میں بڑے پیمانے پر امریکی ڈالر کا استعمال ہوتا ہے جبکہ سرحدی علاقوں میں تجارت کے لیے پڑوسی ممالک کی کرنسی استعمال ہوتی ہے۔
واضح رہے کا طالبان نے 15 اگست 2021 کو افغانستان کا کنٹرول سنبھالا اور اشرف غنی ملک سے فرار کر گیا۔
