بنگلہ دیش: جیل میں جماعت اسلامی کے نائب امیر کے انتقال کے خلاف زبردست احتجاجی مظاہرے
Aug ۱۵, ۲۰۲۳ ۱۷:۵۶ Asia/Tehran
بنگلہ دیش کی حزب اختلاف جماعت اسلامی کے نائب امیر کے انتقال کے بعد ہزاروں افراد نے سڑکوں پر نکل کر حکومت کے خلاف احتجاج کیا۔
جماعت اسلامی کے نائب امیر دلاور حسین سعیدی کا گزشتہ روز 83 سال کی عمر میں دل کا دورہ پڑنے سے جیل کے ہسپتال میں انتقال ہوا۔
دلاور حسین سعیدی کو ایک دہائی سے زائد عرصہ قبل جنگی جرائم کی ایک عدالت نے 2013 میں 8 سال قید کی سزا سنائی اور ان کے خلاف یہ عدالتی حکم بنگلہ دیش کی تاریخ میں بد ترین فسادات اور پر تشدد مظاہروں کا باعث بنا۔
مظاہرین نے بنگلہ دیش کی وزیراعظم شیخ حسینہ واجد کی حکومت کو دلاور حسین سعیدی کی موت کا ذمہ دار قراردیتے ہوئے حکومت کے خلاف نعرے لگائے۔
جماعت اسلامی نے ایک بیان جاری کر کے حکومت پر الزام عائد کیا ہے کہ جیل میں دلاور حسین سعیدی کو علاج کی سہولت فراہم نہیں کی گئی جس کی وجہ سے ان کا انتقال ہوا۔
