یمن نے ایک بار پھر فلسطینیوں کی حمایت میں صیہونی حکومت کے واحد بین الاقوامی ایئر پورٹ بن گورین ڈرون حملے کا نشانہ بنایا ہے۔

سحرنیوز/عالم اسلام:یمن کی مسلح افواج کے ترجمان یحییٰ سریع نے ایک بیان میں کہا ہے کہ ہماری مسلح افواج کے ڈرون یونٹ نے یافا (تل ابیب) کے مقبوضہ علاقے لود میں واقع بین گورین ایئرپورٹ کو یافا ماڈل کے دو دھماکہ خیز ڈرون طیاروں سے نشانہ بنایا۔

انہوں نے بتایا کہ یہ آپریشن مظلوم فلسطینی عوام اور مجاہدین کی مدد کی غرض سے کیا گیا ہے جس کا مقصد مقبوضہ علاقوں اور غزہ کی پٹی کے باشندوں کے خلاف صیہونی حکومت کے جرائم کے جواب دینا ہے۔