مقبوضہ بیت المقدس ؛ صیہونی فوجیوں کا انروا کے ہیڈکواٹر پر دھاوا

Jan ۲۰, ۲۰۲۶ ۱۸:۴۲ Asia/Tehran

صیہونی حکومت کے بلڈوزروں نے منگل کی صبح شیخ جراح محلے میں واقع فلسطینیوں کے ورک اینڈ ریلیف ایجنسی انروا کے کمپاؤنڈ کے اندر گھس کر وہاں کی تعمیرات کو منہدم کردیا۔

سحرنیوز/عالم اسلام: مقامی ذرائع نے اطلاع دی ہے کہ صیہونی فوج نے بلڈوزر کے ہمراہ انروا کے ہیڈ کوارٹر پر دھاوا بول دیا اور ارد گرد کی سڑکوں کو سیل کر کے اس علاقے میں اپنی فوجی موجودگی بڑھا دی اور اس کے بعد انروا کے احاطے کے اندر تعمیرات کو مسمار کرنا شروع کردیا۔

بیت المقدس کے سیکورٹی ادارے نے اطلاع دی ہے کہ صیہونی حکومت کے وزیر برائے قومی سلامتی ایتمار بن گویر نے مقبوضہ مشرقی بیت المقدس کے شیخ جراح محلے میں انروا کے ہیڈ کوارٹر پر دھاوا بولا اور کمپاؤنڈ کے اندر انہدامی کارروائیوں کی ذاتی طور پر نگرانی کی۔

ہمیں فالو کریں:

صیہونی حکومت کے اس اقدام سے پتہ چلتا ہے کہ وہ انروا کے ہیڈکوارٹر پر پوری طرح قبضہ کرنا چاہتے ہیں ۔

مقبوضہ بیت المقدس میں صیہونی حکومت کے ڈپٹی میئر ایری کنگ نے اپنے ایکس پیج پر لکھا کہ انہوں نے وعدہ کیا تھا کہ بقول ان کے نازی دشمن کو یروشلم سے نکال باہر کریں گے، اور اب وہی ہوا جس کا ہم انتظار کر رہے تھے اور انروا کو یروشلم سے نکال دیا گیا ہے۔