افغانستان میں مذہب کی بنیاد پر امتیازی سلوک کی راہ ہموار کی جارہی ہے : افغان انسانی حقوق تنظیم

Jan ۲۴, ۲۰۲۶ ۲۰:۵۶ Asia/Tehran

افغان انسانی حقوق تنظیم نے طالبان کے نئے فوجداری ضابطے پر شدید تشویش کا اظہار کرتے ہوئے کہا ہے کہ افغانستان میں مذہب کی بنیاد پر امتیازی سلوک کی راہ ہموار کی جارہی ہے۔

سحرنیوز/عالم اسلام: افغان انسانی حقوق کی تنظیم رواداری کا کہنا ہے کہ طالبان کا فوجداری ضابطہ اقلیتوں کے خلاف امتیازی سلوک کے مترادف ہے، یہ فوجداری ضابطہ بنیادی آزادی کو محدود کرتا ہے اور اس ضابطے میں مذہبی اقلیتوں کے خلاف امتیازی سلوک کو قانونی حیثیت دے دی گئی ہے۔

انسانی حقوق گروپ نے کہا ہے کہ طالبان کا فوجداری ضابطہ من مانی گرفتاریوں اور سزاؤں کی اجازت دیتا ہے، یہ فوجداری ضابطہ بین الاقوامی انسانی حقوق سے متصادم ہے۔

افغان انسانی حقوق گروپ رواداری نے یہ بات زور دیکر کہی ہے کہ طالبان فوجداری ضابطے کی کچھ شقیں مخالفین کے خلاف ماورائے عدالت قتل کی راہ ہموار کر سکتی ہیں کیونکہ یہ فوجداری ضابطہ طالبان پر تنقید کو جرم قرار دیتا ہے۔انسانی حقوق گروپ نےفوجداری ضابطے کو فوری معطل کیے جانے کا مطالبہ کیا ہے

ہمیں فالو کریں:

قابل ذکر ہے کہ طالبان کے سربراہ ہیبت اللّٰہ اخوندزادہ نے حال ہی میں طالبان عدالتوں کے نئے فوجداری طریقہ کار کے ضابطوں کی منظوری دی ہے، طالبان کا یہ فوجداری ضابطہ افغان عدالتی اداروں میں نافذ کرنے کے لیے جاری کر دیا گیا ہے۔