ایرانی پارلیمنٹ کے اسپیکر: ابراہام لنکن طیارہ بردار جہاز ایرانی حملوں کے بعد میدان چھوڑ کر پیچھے ہٹ گیا
ایران کی پارلیمنٹ کے اسپیکر محمد باقر قالیباف نے کہا ہے کہ امریکی طیارہ بردار بحری جہاز ابراہام لنکن ایرانی میزائلوں اور ڈرونز کا سامنا ہوتے ہی میدانِ جنگ چھوڑ کر پیچھے ہٹ گیا۔
سحرنیوز/ایران: انہوں نے سوشل میڈیا پلیٹ فارم ایکس پر اپنے بیان میں لکھا کہ اس بحری جہاز کو لے کر بہت شور مچایا گیا تھا تاکہ ایران پر دباؤ ڈالا جا سکے، لیکن یہ جہاز ایرانی میزائلوں اور ڈرونز کا سامنا ہوتے ہی پیچھے ہٹ گیا۔
قالیباف نے کہا کہ جو جہاز امریکہ کے اتحادیوں کی سیکورٹی اور استحکام کا محافظ سمجھا جاتا تھا، وہ چند ڈرونز کا مقابلہ بھی نہ کر سکا اور علاقے سے نکل گیا۔
انہوں نے مزید کہا کہ امریکہ کے اتحادیوں اور میڈیا کو اس معاملے کی تحقیق کرنی چاہیے تاکہ وہ اپنی سلامتی اور امریکی فوجیوں کی جان کو ٹرمپ اور نیتن یاہو کے بیانات سے وابستہ نہ کریں۔
پارلیمنٹ کے اسپیکر نے یہ بیان “اول اسرائیل” (Israel First) کے ہیش ٹیگ کے ساتھ جاری کیا۔
اس سے ایک روز قبل بھی قالیباف نے کہا تھا کہ اگر امریکی ٹیکس دہندگان کو یہ معلوم ہو جائے کہ دفاعی ترجیحات میں ”اسرائیل فرسٹ“ کی پالیسی اختیار کی گئی ہے تو وہ حیران رہ جائیں گے۔ ان کے مطابق امریکی مفادات اور فوجیوں کو غیر محفوظ چھوڑنے کے نتائج صرف مشرق وسطیٰ تک محدود نہیں رہیں گے۔
ہمیں فالو کریں:
Follow us: Facebook, X, instagram, tiktok whatsapp channel
