SAHAR

سعودی عرب کی نام نہاد ممتاز علماء کونسل کے رکن نے انتہا پسند وہابیوں سے کہا ہے کہ مدینے کی سات مساجد کو منہدم کر دیں۔

العالم کی رپورٹ کے مطابق سعودی عرب کی نام نہاد ممتاز علماء کونسل کے رکن صالح فوزان نے دعوی کیا ہے کہ مدینے کی سات مسجدیں بدعت کی علامت ہیں اور انہیں ویران کئے جانے کی ضرورت ہے۔ واضح رہے کہ مدینے کی ان سات مسجدوں کی تاریخ، جنگ خندق تک جا پہنچتی ہے۔ یہ مساجد، مسجد نبوی کے مغرب میں کوہ سلع کے دامن میں واقع ہیں۔ ساری دنیا کے مسلمان ان مسجدوں کو بڑی اہمیت کی نگاہ سے دیکھتے ہیں اور ان میں نماز پڑھتے ہیں۔ حج و عمرے کی غرض سے سفر کرنے والے لوگ مدینے پہنچ کر سب سے پہلے ان مساجد میں ہی جاتے ہیں۔ واضح رہے کہ سعودی عرب میں بہت سے تاریخی اور اسلامی مقامات آل سعود کے دربار سے وابستہ نام نہاد مفتیوں کے فتوؤں کی بنا پر منہدم کردیئے گئے ہیں۔ وہابی، تکفیری اور سلفی گروہ مسلمانوں کو کافر قرار دینے کے علاوہ مقبروں، زیارتگاہوں اور اہل بیت اطہار علیھم السلام کی مسجدوں کو ڈھانے کا نظریہ رکھتے ہیں اور یہ ان کے اہم ترین نظریات میں شامل ہے کہ جن پر ان گروہوں نے عمل بھی کیا ہے۔