SAHAR

سعودی فوجیوں کے اہل خاندان نے اپنے جوانوں کو جنگ کے لئے یمن بھیجنے کے خلاف مظاہرہ کیا ہے

الوعی نیوز ایجنسی کی رپورٹ کے مطابق سنیچر کو دسیوں سعودی خاندانوں نے ریاض میں وزارت داخلہ کی عمارت کے سامنے احتجاجی مظاہرہ کرکے اپنے جوانوں کو ایک ایسی جنگ کے لئے بھیجنے پر احتجاج درج کرایا ہے جس کا ان سے کوئی تعلق نہیں ہے- سعودی مظاہرین نے اپنے جوانوں کی ہلاکت یا زخمی ہونے کا ذمہ دار سعودی حکمرانوں کو قرار دیا ہے- سعودی عرب اور نو عرب ممالک چھبیس مارچ سے یمن پر فضائی ، بحری اور زمینی حملے کر رہے ہیں- ان حملوں میں اب تک اکثر بنیادی تنصیبات، اسپتال، اسکول اور رہائشی مکانات تباہ ہو چکے ہیں- سعودی عرب اور اس کے عرب اتحادیوں کے حملے میں چار ہزار سے زیادہ یمنی شہری شہید ہو چکے ہیں جن میں سیکڑوں بچے اور عورتیں ہیں-