SAHAR

ناوابستہ تحریک نے صیہونی حکومت کی ایٹمی تنصیبات کو ایٹمی انرجی کی عالمی ایجنسی کے زیر نگرانی لانے کا مطالبہ کیا ہے

ہمارے نمائندے کی رپورٹ کے مطابق ناوابستہ تحریک نے جمعرات کو ویانا میں ایٹمی انرجی کی عالمی ایجنسی کی انسٹھویں سالانہ کانفرنس میں ایک بیان جاری کر کے صیہونی حکومت کی تمام ایٹمی تنصیبات کو آئی اے ای اے کی نگرانی میں لانے پر تاکید کی ہے-بیان میں اسرائیل کو این پی ٹی معاہدے میں شمولیت پر مجبور کئے جانے کا بھی مطالبہ کیا گیا ہے۔

ناوابستہ تحریک نے صیہونی حکومت کے ایٹمی پروگرام کی بابت عالمی برادری کی جائز تشویش کو نظرانداز کئے جانے پر تشویش ظاہر کرتے ہوئے کہا کہ یہ حکومت بعض ممالک کی کھلی حمایت کے سہارے اپنی ایٹمی توانائیوں کو مسلسل بڑھانے کی کوشش کر رہی ہے-

ناوابستہ تحریک کے بیان میں آیا ہے کہ اسرائیل کی غیر قانونی ایٹمی میں سرگرمیوں میں اضافہ کی وجہ سے نہ صرف علاقے کی سلامتی کو خطرہ لاحق ہے بلکہ آئی اے ای اے کی ساکھ بھی متاثر ہورہی ہے-