SAHAR

تحریک انصاف پاکستان کے چیئرمین عمران خان نے حکومت کو دھمکی دی ہے کہ اگر دھاندلی کرنے والے انتخابی عملے کے خلاف دوہفتے میں کارروائی نہ کی گئی تو الیکشن کمیشن کے باہر دھرنا دیا جائے گا

موصولہ رپورٹوں کے مطابق تحریک انصاف پاکستان کے چیئرمین نے پارٹی کارکنوں سے خطاب کرتے ہوئے کہا کہ این اے ایک سو بائیس کے بارے میں الیکشن ٹربیونل کافیصلہ انصاف کی فتح ہے۔ تحریک انصاف پاکستان کے چیئرمین عمران خان نے پاکستان الیکشن کمیشن سے مطالبہ کیا ہے کہ انتخابی دھاندلی میں ملوث حکام کی جلد سے جلد شناخت ہونی چاہئے- پاکستان میں دوہزار تیرہ کے انتخابات میں ہونے والی ممکنہ دھاندلی کی تحقیقات کرنے والے عدالتی کمیشن نے پارلیمنٹ کے اسپیکر سردار ایاز صادق کے انتخابی حلقے میں دوبارہ انتخابات کرانے کا حکم دیا ہے- پاکستان تحریک انصاف کے چیئرمین نے انتخابات کے بعد دعوی کیا تھا کہ صوبہ پنجاب کے چار انتخابی حلقوں میں دھاندلی ہوئی ہے- ڈان نیوز کی رپورٹ کے مطابق اب تک پارلیمنٹ کے اسپیکر کے انتخابی حلقے این اے ایک سو بائیس اور وزیر ریلوے کے حلقے این اے ایک سو پچیس میں دھاندلی کی تصدیق ہو چکی ہے- نادرہ کی رپورٹ کے مطابق صوبہ پنجاب کے این اے ایک سو بائیس میں پچاس فیصد سے زیادہ جعلی ووٹ ڈالے گئے تھے- یہ ایسی حالت میں ہے کہ عمران خان کی جانب سے وزیر ریلوے کے حلقے میں دھاندلی کا الزام اب سے کچھ دنوں پہلے ہی ثابت ہو ا ہے اور اس کے بعد عدالتی کمیشن نے اعلان کیا تھا کہ آئندہ ساٹھ دنوں میں دوبارہ انتخابات منعقد ہوں گے- تحریک انصاف پاکستان کے چیئرمین نے ماہ دسمبر میں پشاور آرمی پبلک اسکول پر طالبان کے حملے کے بعد سترہ جنوری کو اسلام آباد میں اپنا دھرنا ختم کرکے اور دو ہزار تیرہ کے انتخابات میں دھاندلی کی تحقیقات کے لئے عدالتی کمیشن تشکیل دینے کا مطالبہ کیا تھا-
az23082015