SAHAR

پاکستان کے صوبہ پنجاب کے سابق گورنر سلمان تاثیر کے قاتل ممتاز قادری کو راولپنڈی کی اڈیالہ جیل میں پھانسی دے دی گئی۔ ممتاز قادری نے چار جنوری دو ہزار گیارہ کو سلمان تاثیر کو فائرنگ کر کے قتل کر دیا تھا۔

موصولہ رپورٹ کے مطابق انسداد دہشت گردی کی عدالت نے جرم ثابت ہونے پر ممتاز قادری کو دو مرتبہ موت کی سزا سنائی تھی اور اس فیصلے کو سپریم کورٹ نے بھی برقرار رکھا تھا۔ صدر ممنون حسین کی جانب سے رحم کی اپیل مسترد ہونے کے بعد عدالت نے ممتاز قادری کے ڈیتھ وارنٹ جاری کئے۔ جیل حکام کا کہنا ہے کہ ممتاز قادری کی میت اس کے ورثاء کے حوالے کر دی گئی۔

دوسری جانب پھانسی کے بعد اسلام آباد، راولپنڈی، لاہور اور کراچی سمیت ملک کے مختلف شہروں میں سیکیورٹی ہائی الرٹ کر دی گئی ہے۔ پھانسی کے وقت اڈیالہ جیل جانے والے راستے کو سیل کر دیا گیا تھا۔