SAHAR

پاکستان کے وزیراعظم نے دہشت گردوں کے مقابلے میں قومی اتحاد کو مضبوط بنانے کی ضرورت پر زور دیا ہے۔

سانحہ لاہور کے بعد امن و امان کی صورتحا ل کے بارے میں خصوصی اجلاس کے دوران پاکستان کے وزیراعظم نوازشریف نے کہا ہے کہ دہشت گرد آسان اہداف کو نشانہ بنا رہے ہیں۔

انہوں نے کہا کہ پاکستان کے سیکورٹی ادارے دہشت گردوں کو ان کی کمیں گاہوں میں نشانہ بنائیں گے۔

پاکستان کے وزیراعظم نے گلشن اقبال پارک میں دھماکے اور ناقص سیکورٹی انتظامات پر برہمی کا اظہار کیا۔

انہوں نے جنوبی پنجاب میں دہشت گردوں کے خلاف فوری آپریشن کی ہدایت کی جس کی ذمہ داری محکمہ انسداد دہشت گردی کو سونپی گئی ہے۔