SAHAR

پاکستان کے صوبہ بلوچستان کے دارالحکومت کوئٹہ میں پولیس نے تصادم کے بعد پانچ دہشت گردوں کو ہلاک کرنے کا دعوی کیا ہے

کوئٹہ سے موصولہ خبروں کے مطابق مسلح دہشت گردوں نے کوئٹہ کے علاقے چشمہ اچوزئی میں پولیس کے گشتی دستے پر فائرنگ کر دی- پولیس کی جوابی کارروائی میں پانچ دہشت گرد ہلاک ہوگئے -

واضح رہے کہ اتوار کو دہشت گردوں نے اسی علاقے کی پولیس کی ٹیم پر حملہ کرکے دو پولیس اہلکاروں کو زخمی کر دیا تھا - ایک پولیس عہدیدار نے بتایا کہ کالعدم تنظیموں سے تعلق رکھنے والے دہشت گردوں سے تصادم کے دوران قانون نافذ کرنے والے دیگر اداروں کے اہلکار بھی پولیس کی مدد کے لئے جائے واردات پر پہنچ گئے - فائرنگ کے اس تبادلے میں ایک پولیس اہلکار بھی زخمی ہوا ہے -