پاکستان کی وزارت خارجہ نے استنبول کے اتاترک ہوائی اڈے پر دہشت گردانہ حملے کی مذمت کی ہے۔

پاکستانی وزرات خارجہ کے بیان میں کہا گیا ہے کہ پاکستان کی حکومت اورعوام ترکی کی حکومت اور قوم سے ہمدردی کا اظہار کرتے ہیں اور ان سخت حالات میں خود کو ترکی کی حکومت اورعوام کے ساتھ کھڑا دیکھتے ہیں۔

واضح رہے کہ استنبول کے اتاترک ہوائی اڈے پر دہشت گردانہ حملے میں بعض خبروں کے مطابق تقریبا پچاس افراد جاں بحق اور ایک سو چالیس سے زائد زخمی ہو گئے تھے۔

ابھی تک کسی شخص یا گروہ نے اس کی ذمہ داری قبول نہیں کی ہے۔