SAHAR

پاکستان پیپلز پارٹی کے چیئرمین بلال بھٹو زرداری نے کہا ہے کہ پاناما لیکس پر حکومت اپوزیشن کے ضوابط کار تسلیم کر لے بصورت دیگر اس کے نتائج بھگتنے کے لیے تیار ہو جائے۔

میڈیا رپورٹوں کے مطابق بلاول بھٹو زرداری نے اپنے ایک ٹوئٹ میں تحریک احتساب کے لیے نیک تمناؤں کا اظہار کرتے ہوئے کہا کہ اپنے مطالبات کے حق میں احتجاج سب کا جمہوری حق ہے۔ انہوں نے کہا کہ احتجاج کرنے والوں کو سزا دینے کے بجائے ان کے جمہوری حق کی حوصلہ افزائی کی جانا چاہیے۔

پیپلز پارٹی کے چیئرمین نے اپنے ٹوئٹ میں پاناما پیپر کو دنیا کا سب سے بڑا کرپشن اسکینڈل قرار دیتے ہوئے کہا کہ حکومت اپوزیشن کے ضوابط کار یا ٹی او آر قبول کرلے ورنہ ورنہ نتائج کا سامنا کرنے کے لیے تیار رہے۔ انہوں نے کہا کہ پاناما پیپر  نے وزیراعظم نواز شریف کی کرپشن کو بے نقاب کردیا ہے۔